KABAPHELI

BENGITHI
(NDEBELE POEM)

Bengithi wonke ngiwabonile 

Amahle kanti angibonanga,

angiwaphutshanga ngobunengi langobuhle bawo

ezweni labantu.

Wona kawapheli awomhlaba,

kuphela amadoda esehlahlwa yibubi bomhlaba.


Bengithi wonke ngiyawazi!

Alempala emihle kanti angazi ngingazi.

Ngubani ongawabala wonke ezweni 

awaqede okweziqendu zenkondlo?

Ampal'omhlophe lampal'obumvu,

wonke ngamalub'omhlaba

ahluma eziswini zamanina awo.

Pho wonke angatholakala ngadi yinye na

wona usabalele umhlaba?

Hatshi awomhlaba kawapheli

lobuhl'abupheli lokuhl'akupheli,

kuphela inhliziyo lamehlo.


Bengithi ngibaqedile 

kanti ngisiqedile isikhathi.